- 歌詞
- 專輯列表
大愛人間
-
幸福魔法師(大愛劇場 幸福魔法師 主題曲)
演唱:浩角翔起 作詞:阿Q 作曲:曹俊鴻 編曲:戴維雄 製作:曹俊鴻
人生難免有閃失 兩手若空空 你講這叫空手道 尚好乎咱練功夫 人生難免缺淡薄 別人若有困難 你講一定要鬥相共 因為咱有好功夫
厝外若落大雨 厝裡就澹漉漉 你講叮叮噹噹若打鼓 合音唱歌尚剛好 別人怨歎麥滿足 是傻人自找煩勞 你講一定要有快樂 日子才會快活幸福
辛苦 你攏當作幸福佇享受 你講有一身空手道 就有機會展功夫 無到有 萬事辦法咱自己想 咱攏是幸福魔法師
變變變 變連變連變變 酸的你會變甜 苦的你會變無去 遇到不如意 你會變趣味 變變變 變連變連變變 一杯米變出一鼎飯 這你專門 變變變 變連變連變變 咱攏是幸福魔法師
------------------------------------------
《幸福魔法師》Hīng-hok Môo-huat-su 浩角翔起
人生難免有閃失 jîn-sing lân-bián ū siám-sit 兩手若空空 nn̄g-tshiú nā khang-khang 你講這叫空手道 lí kóng tse kiò khang-tshiú-tō 上好予咱練功夫 siōng-hó hōo lán liān kang-hu 人生難免欠淡薄 jîn-sing lân-bián khiàm tām-po̍h 別人若有困難 pa̍t-lâng nā ū khùn-lân 你講一定愛鬥相共 lí kóng it-tīng ài tàu-sann-kāng 因為咱有好功夫 in-uī lán ū hó kang-hu
厝外若落大雨 tshù-guā nā lo̍h tuā-hōo 厝內就澹漉漉 tshù-lāi tiō tâm-lok-lok 你講叮叮噹噹若拍鼓 更多更詳盡歌詞 在 ※ Mojim.com 魔鏡歌詞網 lí kóng tin-tin-tong-tong ná phah-kóo 合音唱歌上拄好 ha̍p-im tshiùnn-kua siōng tú-hó 別人怨嘆袂滿足 pa̍t-lâng uàn-thàn buē buán-tsiok 是戇人自揣煩惱 sī gōng-lâng tsū-tshuē huân-ló 你講一定愛有快樂 lí kóng it-tīng ài ū khuài-lo̍k 日子才會快活幸福 ji̍t-tsí tsiah-ē khuìnn-ua̍h hīng-hok
辛苦 sin-khóo 你攏當做幸福咧享受 lí lóng tòng-tsuè hīng-hok teh hiáng-siū 你講有一身空手道 lí kóng ū tsi̍t-sin khang-tshiú-tō 就有機會展功夫 tiō ū ki-huē tián kang-hu 無到有 bô kàu ū 萬事辦法咱家己想 bān-sū pān-huat lán ka-kī siūnn 咱攏是幸福魔法師 lán lóng-sī hīng-hok môo-huat-su
變變變 piàn piàn piàn 變連變連變變 piàn--liân piàn--liân piàn piàn 酸的你會變甜 sng--ê lí ē piàn tinn 苦的你會變無去 khóo--ê lí ē piàn bô--khì 拄著不如意 tú-tio̍h put-jû ì 你會變趣味 lí ē piàn tshù-bī 變變變 piàn piàn piàn 變連變連變變 piàn--liân piàn--liân piàn piàn 一杯米變出一鼎飯 tsi̍t-pue bí piàn tshut tsi̍t-tiánn pn̄g 這你專門 tse lí tsuan-bûn
變變變 piàn piàn piàn 變連變連變變 piàn--liân piàn--liân piàn piàn 咱攏是幸福魔法師 lán lóng-sī hīng-hok môo-huat-su
- 感謝 晨光翼 提供歌詞
- 感謝 W.B. Chen 修正歌詞
- 友站連結: 慈濟歌選 W.B. Chen
|